Wednesday, 28 January 2018

Thursday, July 6

Kaise ek Kachra Uthane wala bana Mashur Photo grapher

Kya hum soch sakte hai ki gareebi
ke karon 11 saal ki umar mein ghar
se bhagne wala ladka jo Delhi jagar
railway station par kachra binne laga
woh ek Antarastriyo Khyati prapt photographer ban sakta hai?
Aaj Mein Aap sabko aise shaks ke
bare mein batana ja raha hu jo aaj
hazaro logo ke prerna shrot ban
chuke hai.
Ji ha Dostoo mein baat kar raha
hu 27 saal ke mashur photographer
Vicky Roy ki.
Unki Gareebi, Sangharsh aur Safalata
ki kahani Hum sabhi ko aage badne
ke liye bohut prerna deti hai.
Vicky Roy Ki बचपन की कहानी
Puruliya gaon(West Bengal) mein
bohut he gareeb pariwar mein janme
the.Vicky Roy jab chote the toh
unke maata pita ne gareebi ke
karon Vicky ko unke Nana-Nani ke
ghar chor diya tha.
Nana Nani ke ghar mein Vicky ke
sath atyachar hota tha. Waha par
vicky ko din bhar kaam karna padta
aur choti choti baato ke liye unke
sath maar pit hoti thi.
Nana nani
ke ghar mein Vicky ek Kaidi ke
saman ho gaye the jabko vicky ko
ghumne phirne ka sockh tha.
Isliye  1999 mein matra 11 saal ki
umar mein Vicky ne apni mama ki
jaib(Pocket) se 900 Rupaye chori
kiye aur ghar se bhag gaye.
Ghar Chorne ke baad vicky Delhi
pahuch gaye.
Vicky Jab chote se gaon se bhagkar
Delhi Railway station pahuche toh
shehar ki Bhirmar dekhkar weh ghabra gaye aur rone lage.
Tabhi unki mulakat Railway station
par rehne wale kuch ladko se
huyi jo waha par kachra binne ka
kaam karte the.


Vicky Din bhar un ladko ke sath
rehte aur Railway station par khali
botle binkar,Usme paani bhar kar Rail
ke General Dibbo mein bechte.
Raat
ko Railway station par sote the
Lekin raat mein jab policewale muaina(petroling) karne ke liye aate
toh danda  markar bhaga dete the.
Kuch dino baad kuch byakti ,Vicky
ko Anathalai le gaye.Vicky Anathalai
mein rehne lage aur waha par unhe accha
khana pina mil jata tha.
Lekin Anathalai
par hamesha taala laga rehta tha
Aur koi bhi waha se bahar nahi
ja sakta tha.
Vicky phir se ek kaidi ki tarah
ho gaye the,Isliye unhone
anathalai se bhagne ka faishla
kiya.Ek din mauka dekhkar woh
anathalai se bhag gaye aur phir
railway station jakar wohi kachra
binne ka
kaam karne lage.
Lekin paiso ki kami ke karon kuch
mahino baad woh ajmeri gate ke
kisi sadak kinare bane restaurant
mein, Bartan dhone ka kaam karne
lage.Yeh Samay Vicky ke liye sabse
mushkil samay tha
Kadake ki thand
mein Vicky ko subah ke 5 baje utha
diya jata aur weh raat ke 12 baje
tak thande pani se bartan dhote.

Life Changing Moment for Vicky
Ek baar usi restaurant mein ek
sajjan byakti khana khane aaye
the. Unhone jab Vicky ko kaam karte
dekha,
Aur Unhone kaha ki yeh toh tumhari
padne likhne ki umar hai. Paisa kamane
ki nahi aur woh Vicky ko Salam Balak
Trust Naamak Sanstha mein le aaye.
Salaam Baalak Trust ki "Apna Ghar"
Sanstha mein Vicky rehne gaye.
2000 mein, Unka daakhila 6th Class
mein kara diya gaya aur weh nirantar
rup se school jaane lage.Lekin 10th
class mein unke maatra 48% he aaye,
ish karon unhone kuch aur karne
ka nirnoy lia.
Beginning as a Photographer
2004 mein Vicky apne teacher ko
photography shetro mein apni ruchi
ke bare mein bataya. Usi samay trust
ke ander he ek photography
workshop ka aayojan ho raha tha.
Jiske liye british photographer
Dicsey Benjamin aaye hue the.
Toh teacher ne Dicsey Benjamin se
Vicky ka Parichay karwaya aur
kaha ki Yeh ek Photograper
banna chahta hai.Dicsey ne vicky ko
thodi bohut photography sikhai, Lekin
Vicky ko unke sath kaam karne mein
pareshani huyi,
Kyuki Vicky ko english nahi aati
thi.Kuch he samay baad Dicsey wapas
Bidesh laut gaye.
Iske baad Vicky ko Delhi ke ek
Photographer, Ane Maan se sikhne
ka mauka mila.Ane Unhe 3000 rupaye,
tankhwah ke rup mein aur Mobile aur
Bike  ke liye paisa dete the.
18 saal ki umar tak toh vicky
Salaam Baalak Trust mein rahe.Lekin,
iske baad unge kiraya par makan
lekar rehna pada.Isi samay unhone
Salaam Baalak Trust se, B/W Nikon
camera kharidne ke liye loan liya.
Iske liye unhe har mahine 500
rupaye kisht ke rup mein aur makan
ka kiraya 2500 bhi dena hota tha.
Ish karon vicky ko bade bade hotelo
mein waiter ka kaam karna padta
tha,Jisse rojana 250 mil jate the.
Rag-picker Turned Photographer
2007 mein jab vicky 20 barsh ke ho gaye toh unhone apni photography ki pehli pradarshani lagai.
Iska naam tha "Street Dreams"  में जब विक्की 20 वर्ष aur unhone yeh pradarshani India Habitat centre mein lagai. Is se unhe bohut khyati mili.Iske baad mein weh London,Vietnam aur South Africa bhi gaye.
2008 mein Vicky 3 anyo Photographer ke sath ram chandra nath foundation dwara nirmit, Mayabach Foundation ke liye photography karne New York bhi gaye.
2009 ki shuruat mein 6 mahine ke liye , Vicky ne World Trade Center ke Punar nirman ki photography ka adhyan kiya.
Wapas Bharat aane ke baad,Vicky ko Salaam Baalak Trust ne International Award for Young
people se sammanit kiya.
Success & Awards
Iske baad Vicky ko aur bhi koi sajman se nawaza gaya. 2010 mein, Vicky ko Bahrain Indian
ladies association ne young achiever
from India se bhi sammanit kiya.2011 mein Vicky aur unke Dost  Chandan Gomes ne Photography Library banai aur koi anyo prasidho photographer se bhi judne aagro kiya taaki jo log paiso ki tangi ki wajah se  Photography sambandhit kitabe nahi kharid pate.Taki unki sahayata ki ja sake. Ab ish Library mein 500 kitabe hai aur Vicky samay samay par workshop bhi karwate hai.
2013 mein Vicky ka chayan 8 Anyo Photographer ke sath Nat Geo Mission ke cover shoot ke liye hua aur woh Sri Lanka gaye.
Isi saal unhone apni pehli kitap ‘Home Street Home’ likhi,
Jise Nazar Foundation ne prakashit kiya .Iska dushra bhag,2013 mein he Delhi
Photo Festival mein prakashit hua.Inhe 2014 mein,Boston MIT aur Ink Talk mein ek mahine ke liye fellowship bhi mili.
Koi saalo ke baad Vicky apne Bhai-Behno se bhi mile. Ab woh apne pariwar ki Dekh-rekh bhi karte hai.
Ab woh  freelance photographer ke rup mein kaam karte hai.
‘No shortcut to success’
Vicky batate hai-Agar aap jeeban mein kuch karna chahte hai toh aapko hamesh kadi mehnat karni hogi,Safal hone ke liye koi bhi Shortcut nahi hota. Agar aap apne Sapno ko saakar karna chahte hai toh 
usi par apni najar rakhe.Baadhao se das kar bhagne se aap kabhi Safal nahi ho payenge.
Agar Aapko yeh Story Accha lage toh Apne Dosto ke sath jarur share kare.
......Stay Motivated ....

Follow by Email

Subscribe

Connect with us